Ի՞նչ է իրենից ներկայացնում «Ծագումը: Բացահայտում» վեպը

«Ծագումը: Բացահայտում»-ն այլընտրանքային էպիկ պատմություն է մշակույթի և սիրո մասին: Այն «Ծագումը» նախագծի մի մասն է` բացելու աշխարհի աչքերը դեպի Հայաստանի, Բաշկորտոստանի, Չինաստանի և Նեպալի մշակույթն ու պատմությունը: «Որդեգրիր մի գյուղ» նախագծի հետ միասին «Ծագումը» նախագիծը նախատեսված է խրախուսելու զբոսաշրջություն, գործարարություն և քրիստոնյաների ցեղասպանությունը ճանաչելու խիզախություն: 

«Ծագումը: Բացահայտում» վեպի հայերեն թարգմանությունը կարելի է անվճար ներբեռնել այստեղ: Այն բաղկացած է երեք մասից` Մաս 1. Առանցքի երկրների վերելքը, Մաս 2. Ազատ աշխարհի պաշտպանությունը, Մաս 3. Մարդկային էության բացահայտումը, և հասանելի է ընթերցողներին հետևյալ ձևաչափերով` Թղթակազմ (ավելի քան 800 էջ), որ առաքվում է ուղիղ ձեր հասցեով, Էլեկտրոնային և անվճար Հայերեն PDF:

Ինչպե՞ս են իրադարձությունները ծավալվում

Պատմությունը սկսվում է 1930թ.-ին, Խորհրդային ժամանակաշրջանում` Հայաստանի Արենի գյուղում կյանքի մարտահրավերների ուսումնասիրությունից: Գյուղացիներից մեկը չէր գիտակցում, որ մեծ նշանակություն ունեցող գաղտնիքի կրող է հանդիսանում:

1937թ.-ին կայացրած մի որոշում փոխում է այն անցյալը, որ մենք գիտենք այսօր. սա այլընտրանքային պատմություն է: Երբ 1941թ.-ին Ճապոնիան Առանցքի երկրների իր դաշնակիցների հետ որոշում է հարձակվել Խորհրդային Միության վրա, դա բերում է կոմունիստական ​​պետության անկմանը: Միացյալ Նահանգները չի ներքաշվում պատերազմի մեջ, ինչպես իրականում տեղի է ունեցել, իսկ Առանցքի երկրներն իրենց ազդեցությունը տարածում են ողջ Հյուսիսային Աֆրիկայի, Եվրոպայի և Ասիայի վրա:

Առանցքի տերությունները հաղթանակ են տանում Երկրորդ համաշխարհային պատերազմում, սակայն դրա արդյունքում ընդհանուր կապ է առաջանում այն պետությունների միջև, որոնք այլ պարագայում թշնամիներ կլինեին: Տարբեր ազգությունների ներկայացուցիչներ ուս ուսի տված դիմակայում են բռնազավթմանը, և անհավանական դաշինքներ են ձևավորվում: Փոքր երկրները ճակատագրի բերումով ապաստարան են տրամադրում ավելի հզոր երկրների ղեկավարներին:

Փոքր ազգերը կամ համայնքները ներկայացնող հինգ անհատներից յուրաքանչյուրն իր առանցքային դերակատարությունն է ունենում պատմության հանգուցալուծման մեջ՝ չնայած նրանցից մեկը զոհաբերում է իր կյանքը: Հերոսները հասարակ մարդիկ են, այլ ոչ թե զինված հաղթանդամներ։ Սա արտասովոր պատմություն է, քանի որ ընդգծում է գիտնականների դերը, որոնք այնքան փոփոխություն են մտցնում մեր առօրյա կյանքում՝ չնայած ըստ արժանվույն չեն գնահատվում:

Եվս մեկ համաշխարհային պատերազմի համար սերմերը ցանված են՝ չնայած հակամարտությունն ու մարդկային քաջությունը ընդամենը նախապայման են հանդիսանում մարդկային պատմության կարևորագույն բացահայտումներից մեկի համար: Պատմության մեջ երկու թեմաներ միահյուսվում են: Թեմաներից մեկը ներառում է բուն հակամարտությունը և առաջադեմ տեխնոլոգիաների զարգացումը, ինչպիսին է միջուկային զենքը: Երկրորդ թեման ներառում է Ծագման նախագիծը, որը բացահայտում է մարդկության մասին մի մեծ գաղտնիք: Դա հայելի է հանդիսանում մարդկային գիտակցության համար, որն, ի վերջո, բեկումնային դեր է խաղում Առանցքի երկրների անկման գործում: Աշխարհը, ինչպես նաև այն, թե ինչպես են մարդիկ հասկանում իրենց մարդկային էությունը, մեկընդմիշտ փոխվել է:

Նկարիչ` Սուվաթ http://www.suwatgallery.com

«Ծագումը: Բացահայտում»-ում նկարագրված տեսարժան վայրերը

Հետաքրքրվա՞ծ եք այցելելու «Ծագումը: Բացահայտում»-ում նկարագրված հատուկ վայրերը: Մենք տրամադրում ենք առաջնորդություն և խորհուրդ ենք տալիս մարդկանց, ովքեր կարող են ձեր ճանապարհորդութունը դարձնել անմոռանալի դեպի վեպում նշված գեղատեսիլ վայրերը: Եթե դուք ունեք  նշված շրջաններում ճամփորդությանն առնչվող բարձր որակի բիզնես և ցանկանում եք անվճար գովազդ տեղադրել մեր կայքում, ապա խնդրում ենք դիմել մեզ:

Ո՞վ է գրել «Ծագումը: Բացահայտում» վեպը

Պատմությունը գրված է մարդկության անունից, քանզի մենք տարիներ շարունակ պայքարել ենք, որպեսզի տարբերենք ճիշտը սխալից և սովորենք մեր մասին: Ոգեշնչված իր կնոջ ժողովրդի պատմությամբ և տոկունությամբ և Ռուսաստանի ժողովրդով՝ հեղինակը` Լեն Ուիքսը, պարզապես շարադրում է պատմությունն այլ կերպ, ինչը, հուսով ենք, հաճելի կլինի և կկարողանա այս մշակույթների մասին տեղեկությունները փոխանցել մյուսներին:

«Ծագումը: Բացահայտում»-ը  «Ծագումը» շարքի երկու խոշոր վեպերից առաջինն է: Երկրորդ գիրքը կոչվում է «Ծագումը: Մարդկություն»:

Ֆիլմեր

Մեր վերջնական նպատակն է ստեղծել  ֆիլմերի մի շարք  «Ծագումը» վեպերի հիման վրա: Դրա համար անհրաժեշտ է բազմաշատ մարդկանց աջակցությունը, ովքեր կլինեն «Ծագումը» նախագծի ետևում՝ ապահովելով նրա պահանջարկը, կամ հեռատես ֆիլմարդյունաբերության առաջնորդ, ով կցանկանա օգտվել յուրահատուկ և ոգեշնչող պատմականորեն նշանակալից պատմությունից՝ սահմանված հիասքանչ վայրերում:

Միևնույն ժամանակ, ահա աջակցությանն արժանի մի քանի հրաշալի ֆիլմեր և ներկայացումներ Հայաստանի և Հայոց ցեղասպանության մասին՝

https://www.youtube.com/watch?v=qkG6Xmy-pdM